Posicionamento do MpD sobre o novo empréstimo na banca no valor de 280 mil contos pela CM do Tarrafal de Santiago

Prezaduz Sinhores, 

‍

‍Muito Boa Tardi. 

Antis Di Mas Nu Ta Agradeci Sinhoris Membrus De Comunicaçon Social Pa Prisença Nes Confirencia Di Imprensa Li, Ku Objectivo Di Nu Manifesta Nos Preocupaçon, Relativo A Intençon Di Sr. Prezidente De Cambra Municipal Di Tarrafal, José Dos Reis, Na Fazi Um Imprestimu Riba Hora, Praticamente Na Fim De Ano Economico, Di Um Grande Valor Na Banco, Sem Ké Demonstra A Assembleia Cu Elementos E  Di Forma Claro, Kel Dinhero É Pa Ki Fim.

Onti, Quinta Feira, Dia 23/11, Bancada De Mpd Recebi Um Convocatória Di Assembleia Municipal Di Tarrafal Ki Ta Fla Ma Cambra Municipal, Liderado Pa José Dos Reis (Mayka) E Suportado Pa Paicv pedi Pa Agenda Um Seçon Extrordinario Di Assembleia Municipal És Segunda Fera Li, Dia 27 Di Novembro, Undi Que Único Ponto De Ordem do dia, É 1 Pedido De Otorizaçon Pa Camara Bai Banco  Imprista 280 Mil Conto. 

Pa Fla Ma Na Mês De Agosto Dés Ano, Assembleia Dja Tinha Aprovado Um Outro Autorizaçon, Que Camara Pedi Pa Contrai Emprestimo Djunto Bolsa De Valores, Na Kel Mesmo Valor, Ou Seja 280 Mil Contos, E Nés Momento Nu Ca Conxi Stado Dés Pedido

‍

És Bancada Fica Surpreso, Pamodi Valor É Tão Alto, E Camara Ca Sequer Aprisenta Ninhum Justificaçon  Ki Ta Garanti Kuzé Ké Sta Bai Fazi Ku Tudo Kel Dinhero, Quando Dja Nu Sta Na Fim De Ano Civil E Economico, Sem Fala Que Sa Ta Falta Menus Di Um Ano Pa Mandato Termina. Nu Ta Pergunta:

• Qual Que É Urgência Dês Pedido?
• Pa Que Finalidade?
• Que Projetos Que Sta Bai Investido Nel? 
• Tem Orçamentos Sobre Kés Projetos?
• Na Que Banco Que Sta Bai Pedido Emprestimo?
• Qual Que É Real Situação De Divida De Municipio Nés Momento?

Pamodi 1 Único Documento Que Apresentado É Um Declaraçõn Di Divida Passado Desde de més de Julho, Portanto Que Ca Ta Espelha Real Situação De Divida Di Camara, E Que Bancos Ca Ta Aceita Pa Processo De Crédito!

Carus Tarrafalensis, Stimadus Munícipes.

Num Mundo Cheio Di Incertezas, Undi Dja Sa Ta Regista Sinal Visivél De Alteraçon Climática, Stagnaçon De Economia Mundial, guerras Na Ucrania E Na Medio Oriente, Ku Consiquência Imprivisivel Que Tem Causado Um Aumento Elevado De Inflaçon, Ku Agravante De Mas Um Ano Agricola De Fraca Produção, Ku Subida De Inflaçon E Preço De Produtos, E Camara Teni Txeu Dividas, Ku Trabadjadoris, Fornecidores E Empresas, A Ponto De Recentemente Viatura De Sr. Presidente Foi Aprendido Pa Policia Nacional, Na Sequência Di Cumprimento De Um Ordi Di Tribunal, Pa Falta De Pagamento Di Dívidas. Assi, Nu Ta Intendi Ma É Necessário Ki Tem Bom Senso, Prudência, Contençon E Moderaçon, Particularmente Pa Kes Ki Ta Auto Proclama Verdadeiros Amantis Di Tarrafal, Ki Ka Ta Passa De Um Blufi E Comberso Pa Boi Durmi.

Tudu Ta Leba A Cre Ma Es Iniciativa Inesperado Li Surgi Di Noti Pa Dia, Sem  Nenhum Analisi Profundu Di Situaçon Financeira De Municipio, Ki Sima Sabedu, Sta Num Stado Fragilizado, Divido A Geston Danosa Ki Tem Stado Ta Fazi Scola Na Cambra Municipal Di Tarrafal, Lideradu Pa Paicv, Undi Principal Actor É Sr. Presidenti José Dos Reis E Si Aliadus. 

Carus Tarrafalensis, Stimadus Munícipes.

Pergunta Ki Ka Kre Kala, É Kal Ke Pressa Di Sr Prisidenti Na Pidi Es Imprestimo Li Na Banco Quando Sta Falta Menos Di Um Ano Pa Eleiçon Autarquika ?? 

Igualmenti Nu Ta Pergunta Modi Kê Possivel Executa Um Montante Ton Grandi Di Dinhero Na Menos Di Novi Més, Tendo Em Conta Ki Lei Eleitoral Ta Estabeleci Prazo Pa Execuçon Di Impreitadas, Obras I Inauguraçon Durante Periodo Eleitoral ??

Di Mesmu Modu, Sr. Prisidenti José Dos Reis Debi Explicanu Ki Obras Extruturantis E Iniciativas Ke Sta Pretende Leba A Cabo Ku Tudo Kel Dinhero La, Sabendo Ma Plano Atividade 2023 Dja Devia Staba Cumprido Nes Momento, E Kel De 2024 Inda Nem És Ca Pega Nel. També Pa Fla Ma É Impossível Executa Obras Extruturantes Na Apenas 9 Més, A Não Ser É Kre Brinda Tarrafal Ku Iniciativas E Obras Eleitoralistas, Sem Concurso Público, Sem Qualidade, Sobrefaturado Sima Tudo Kés Que Tem Stadu Ta Fazi, Pa Comprimeti Nos Cidade, Projectado E Edificado Pa Governus Di Mpd Em Parceria Ku Autarcas Di Mpd Ki Stive À Frenti Di Cambra Municipal Di Tarrafal.

Nu Kre Lembra Tudo Tarrafalenses Ma Na Més De Agosto, Trés Mês A Trás, Es Mesmo Cambra Li E Si Prisidenti, Dja Tinha Lebadu Pa Seçon De Assembelia Municipal, Ki Contici Na Vila De Achada Tenda, Um Pidido Di Autorizaçon, Pe Bai Pista Na Bolsa Di Valor De Cabo Verde, Um Montanti Di 280 Mil Conto. 

Si Nu Djunta Kel 2 Autorizaçon Li, Ta Da 560 Mil Conto, Nu Ta Ripiti 560 Mil Conto Na Intervalo De Apenas 3 Més.

Stimadus Munícipes.

Sr. Prisidente Fla Ma Dinhero É Pe Fazi Investimentos - Ago Nu Pergunta:

• Ki Investimentos? 
• Ki Obra Em Concreto? Na Undi?
• Undi Ki Sta Projecto Di Kes Obras Li?
• Kal Ke Ses Orçamento? Kal Ke Estudo De Viabilidade?
• Qual Que É Data De Inicio E Fim( Sem Previsibilidade)?

Sr. Prisidenti Fla Ma Dinhero Tb É Pe Fazi Equilibrio Financeiro Di Cambra – Tb Nu Ta Pergunta:

Kal Ké Divida Actual De Cambra Municipal Di Tarrafal? 

‍

Sr. Presidente Dja Tem 3 Ano Ka Ta Responde Kel Pergunta Li Na Assembleia Municipal. Quandu Propi Lei Ta Danu Es Direito Enquanto Eleito Municipal.

Ta Parci Ma, Mas Um Bes, É Kre Comprometi Salários De Funcionários E Novamente Ka Cumpri Ku Pagamento De Pensionistas.

Tudo Isto Ta Prova Ma Es Cambra, Lideradu Pa Paicv, Dja Perde Rumu E Sta Disorentadu, E Sim, Kre Hipoteca Tarrafal E Si Futuru.

Carus Tarrafalensis, Stimadus Munícipes.

‍

Si Kel Autorizaçon Li Contici, Segunda Feira, Dia 27 De Novembro, E Si Kes Imprestimus Li Conkretiza, Crescimento E Desemvolvimento Di Tarrafal Ta Fica Seriamenti Comprometido.

É Pa Primeiro Bes Na Historia Di Municipalismo Caboverdiano, Ki Um Cambra Na Ultimo Ano Di Si Mandato, Ta Pidi Autorizaçon Na Assembleia Municipal Pa Pista 560 Mil Conto Na Banco.

Afinal, Pa Tudo Isso, Mudar Ka Era Preciso.

Muito Obrigadu!

‍